اسهل طريقة لتثبيت جوجل كاميرا جيكاميتور Google Camera GCamator

                          هنتكلم النهارده عن حاجه مهمة جدا لكل عشاق التصوير الفوتوجرافي

اكيد كلنا معانا موبايلات زكية
فيه مننا راضي عن اداء الكاميرا اللي في موبايلة وفيه اللي اداء الكاميرا بتاعتة مش مرضي بالنسبة له

عشان كده انا هجيبلكوا النهاردة برنامج Google Camera المعروف

اللي بيحسن اداء الكاميرا سواء هي كانت مرضية بالنسبة لك هتعلي الاداء اكثر

واللي كاميرتة كانت ادائها غير مقبول هتبدا تعجبك وتلاحظ الاختلاف في الاداء بشكل ملحوظ
حتي في الاضائة المنخفضة والمناظر الطبيعية وتصوير الاشخاص
وده بفضل التقنية المختلفه اللي بتستخدمها جوجل كاميرا في معالجة الالوان والتفاصيل اللي دايما بتديلنا نتائج مبهرة جدا.
عشان نقدر ننزل جوجل كاميرا هنستعين ببرنامج مساعد اسمة Gcamator 

موجود علي المتجر عادي وده الرابط بتاعة:

https://mega4up.com/g7vaqytc4dpc

بعد ما هننزل البرنامج هنفتحة ونسيبة يحمل شوية ونشوف الوضع ايه؟

1- لو جابلنا كلمة Enabled باللون الاخضر زي كدة يبقي جهازك متوافق مع Google Camera وان شاء الله الموضوع سهل

2- بعد ما اتأكدنا من وجود كلمة Enabled باللون الاخضر هندوس علي كلمة Your Gcam زي ما موجود بالصورة

3- هيبدأ يحمل ويبحث عن اكثر اصدار متوافق مع جهازك وهيديلك رابط مباشر بيه هندوس علي كلمة Install زي ما في الصورة

4- بعد ما هتدوس علي كلمة Install هتنزل شريط الاشعارات هتلاقيه بدأ يحمل الملف مباشرةا وبعد ما يخلص تحميل هتدوس عليه وتثبته زي ما بتثبت اي برنامج

فيديو توضيحي لكل الخطوات:

https://www.youtube.com/watch?v=jSxDf_oljrk&t=29s