جهز هاتفك لاستقبال تحديث miui 14 وجميع التحديثات الجديدة القادمة

السلام عليكم ورحمة الله وبركاته

اهلا وسهلا بيكم من جديد على مداونة كوكب التكنولوجيا 

هنتكلم النهارده عن طريقه تجهيز موبايلاتنا لإستقبال التحديثات الجديدة و هنتكلم عن كل الخطوات اللي لازم نعملها عشان توصل لنا التحديثات قبل اي حد

                                            وهنا هتلاقي لينك الفيديو في شرح وافي بكل التفاصيل👇👇👇

طبعا كلنا عارفين ان شاومي اصدرت التحديث الجديد miui 14

وبالرغم من ان في اجهزة كتير لسه موصلهاش التحديث هاقول لك النهارده على الطريقه اللي هتخليك توصل لأحدث نسخة سوفت وير تم اصدارها لموبايلك

و هاقول لك كمان ازاي تقدر تجهز موبايلك لاستقبال التحديثات الهوائيه قبل اي حد

يلا بينا نشوف الشرح

افتح الإعدادات ودوس على حول الهاتف عشان تعرف رقم الاصدار بتاع جهازك

انا دلوقتي بشرح على ريدمي نوت 8 مع اصدار miui 12.5.2.0(RCOMIXM)

               

من خلال الحرف الرابع والخامس هتقدر تعرف ايه هو نوع نسختك

لو لقيت الحرفين دول MI يبقى انت على النسخه العالمية

اما لو لقيت الحرفين دول Eu فأنت علي النسخه الاوروبية

ولو لقيتهم CN فأنت علي النسخه الصينية

اما لو ID فأنت علي النسخه الاندونسية

ولو لقتهم IN فأنت علي النسخه الهندية

ولو لقيتهم RU فأنت علي النسخه الروسية

اهم حاجه تكون عرفت نوع الجهاز بتاعك و رقم الاصدار بتاع النسخة بعد كده هتدوس على اصدار Miui

وتدوس على الثلاث نقط اللي فوق وبعدين تدوس علي اعدادات التحديثات

ثم نجد ان تلقي التحديثات مبكرا مقفوله هتفعلها

وبنفس الطريقه اللي انا بشرحها لك النهارده لو انت على Miui12 هتقدر تستقبل Miui13

بنفس الطريقه هتقدر تستقبل Miui 14

يبقى احنا كده عرفنا

1- اول حاجه ايه هو رقم الاصدار بتاع التحديث المثبت على موبايلك

2- عرفنا ايه هو نوع الاصدار المثبت على موبايلك سواء هو عالمي او اوروبي اواندونيسي

3- فعلنا ميزة استلام التحديثات مبكرا

الخطوه اللي بعد كده هتثبت تطبيق XiaomiUI من الرابط اللي هتلاقيني سايبه هنا👇👇👇

https://t.me/blackeings/413

ده احسن واسهل تطبيق هتقدر من خلاله توصل لاحدث نسخه رسميه تم اصدارها للموبايل

اول ميزه بيقدمها لك التطبيق دا انه هو بيقدر يتعرف على جهازك بشكل تلقائي

ففكره انك ممكن تغلط وانت بتعمل بحث على الجهاز مش موجوده

كمان التطبيق بيدي لك اسم جهازك عند المطورين فهتقدر تستخدم الاسم دا في عمل بحث

لأي ملفات مطابقة لجهازك سواء انت بتعمل ريكفري معدل او بتعمل روت لموبايلك

المهم هتدوس على اسم موبايلك وبعدين تختار Miui stable

هيجيب لك احدث الاصدارات الرسميه المستقره اللي تم اصدارها لجهازك

ركز معايا كويس لان انا هنا باكلمك على النسخه الرسميه والمستقره اللي تم اصدارها لجهازك

فالنسخة المطابقه لجهازك اللي هتلاقيها موجوده هنا مش هيكون لها اي ضرر على الجهاز

هتفتح النسخه المطابقه للكود اللي ظهر لك في اصدار Miui

بالنسبه لي انا ظهر لي Mi وده معناه ان انا على النسخة العالمية

وكل واحد هيفتح النسخة المطابقة للكود اللي ظهر ليه

لما تفتح هيظهر لك ثلاث انواع من التحديثات

اول النوع هو النسخه الريكافري ودي النسخه اللي انا بفضل استخدمها دايما

ودي بتكون عباره عن نسخة كاملة بتقدر تثبتها على اي اصدار اقدم منه واحتمالية ان يحصل مشكلة في التحديث بعد تثبيت النسخة الريكفري بتخون قليلة جدا

لأن دي نسخه كامله اوقات كمان بتحل مشاكل موجوده اصلا في الموبايل

ثاني نسخة بتكون موجوده هي نسخه OTA

الميزه الوحيده اللي بتميز النسخة دي ان حجمها يكون صغير

اما بالنسبه للعيوب فهي بيكون ليها عيوب كثيرا و العيب انها لازم تتثبت على اصدار معين مش اي اصدار اقدم منها

وثاني عيب ان وارد يحصل فيها مشكله اثناء التحديث لان هي مش نسخه كاملة

كمان وارد انك هتحتاج تعمل فورمات للموبايل بعد ما تثبت النسخه دي

ثالث نوع هتلاقيه موجود هو نسخة Fastboot

ودي النسخه الوحيده اللي لازم تثبت من خلال الكمبيوتر

اما بالنسبه للريكفري و OTA بنقدر نثبتهم من على الموبايل عادي بدون استخدام كمبيوتر

كمان النسخه Fastboot دائما بنستخدمها في معالجه المشاكل اللي بتحصل في السوفت وير

مثل الاجهزه اللي بيحصل فيها مشكله في IMEI بيكون حلها انك تثبت النسخة Fastboot على الموبايل و هتلاقي كل المشاكل اللي موجوده اتحلت

كده هيكون احسن نسخة نستخدمها دلوقتي هي نسخة الريكفري

ودي بتكون احدث نسخه مستقره تم اصدارها لموبايلك بشكل رسمي

هتقارن الرقم اللي انت شايفه دلوقتي بالرقم اللي انت لقيته على موبايلك في حول الهاتف

انا مثلا كان عندي 12.5.2.0 ودا دلوقتي نفس الاصدار اللي ظهر لي على البرنامج ده معناه ان انا مثبت دلوقتي احدث نسخة مستقرة تم اصدارها لموبايلي بشكل رسمي ولسه لم يتم اصدار النسخة الاحدث لجهازي ,هحتاج ان انا ارجع هنا

بعد ايام عشان اشوف في نسخة جديدة تم اصدارها ولا لا

وهبدأ أتابع مع التطبيق لحد ما يظهر لي عليه النسخة الاحدث و لما يظهر لي النسخة الاحدث هدوس على كلمه تحميل عشان انزل التحديث على الموبايل هندخل على تطبيق كروم و هتفتح Download عشان تتاكد إن التحديث اتحمل بشكل كامل ولما التحديث يتحمل بشكل كامل هتروح على الاعدادات وتفتح حول الهاتف وبعدين هتفتح اصدار MIUI

وتفتح الثلاث نقط اللي فوق

هتلاقي ان القائمه فيها اربع اختيارات بس

تنزيل احدث حزمة

واعدادات التحديث

وما الجديد

والمزيد

وهنلاحظ ان اختيار حزمة التحديث مش موجوده ودا الاختيار اللي من خلاله هنقدر نثبت النسخة الريكافري او ال OTA

هاقول لك دلوقتي ازاي تقدر تظهر الاختيار دا

هتيجي انت على المكان ده 👇👇👇 وتدوس عليه عشر مرات

لو انت MIUI 12 او MIUI 13 هتتدوس هنا عشر مرات لحد ما يكتب لك ميزات المحدث الاضافيه مفعلة

هترجع تفتح الثلاث نقط اللي فوق
هتلاقي ان الاربع اختيارات بقوا 6 اختيارات هتلاقي ان في اختيارين جداد تم اضافتهم
اختيار حزمة التحديث واعاده التشغيل الى وضع الاسترداد

بالنسبه لإعاده تشغيل الى وضع الإسترداد ده بيخليك تقدر تفتح وضع الريكفري بطريقه سهله اما بالنسبة اختيار حزمة التحديث ده اللي هيخليك تقدر تثبت النسخة ال OTA او النسخة الريكافري اللي احنا حملناها

هتدوس علي اختيار حزمة التحديث هيظهر ملفات الجهاز هتفتح مساحة التخزين المشتركه الداخليه

وبعدين هتروح على Download او التنزيلات

وهنا هتلاقي ملف التحديث اللي احنا حملنا من تطبيق XiaomiUI

هتدوس على الملف وبعدين هتدوس علي موافق هيبدأ يحمل شويه وبعدين هيجيب لك رساله هتدوس على نعم

وبعدين هيبدا يعمل اعاده تشغيل الموبايل ومن خلال اعاده التشغيل هيبدا يفتح الريكافري ويبدأ يثبت التحديث

و ده بياخذ وقت طويل شويه ممكن يوصل لحد نصف ساعة حسب نوع الموبايل بتاعك

في شويه نصائح عايز اقول لك عليها

1-اول حاجه لازم قبل ما تعمل العمليه دي تكون متاكد ان التحديث نزل بشكل كامل و بشكل صحيح

يعني لو الانترنت قطع وانت بتحمل التحديث حاول تعيد التحميل من الاول

2- تاني حاجه هقولك عليها ان التحديث بينزل على شكل ملف مضغوط ما تحاولش تفك الضغط عن الملف ده واستخدمه زي ما هو كده

لو فتحت الضغط عن الملف ده هتستخدم الملف الاصلي او لو ما لقيتهوش هتبدأ ان انت تحمله ثاني من الاول

وما تحاولش ان انت ترجع تضغطه ثاني لان الضغط اللي انت هتعمله مش نفس طريقه الضغط اللي كان مضغوط بيها

3- تالت حاجه يكون افضل انك تكون واخذ نسخة من كل الملفات المهمة بتاعتك على الكمبيوتر او على الميموري كارد

ودا لأن وارد انك تعمل اي خطوه بشكل خطا ده هيخلي الموبايل بتاعك يعمل فورمات

عشان ما يحصلش كده اعمل الخطوات زي ما انا شرحتهالك بالضبط من غير ما تغير اي حاجه

و اهم حاجه هاقول لك عليها ان موبايلك لازم يكون في شحن اكثر من 50% قبل ما تعمل خطوة اختيار حزمة التحديث

كده زي ما شوفنا قدرنا نجهز موبايلاتنا للتحديثات الجديده بعد ما عملنا الخطوات دي هنقدر نستقبل التحديثات اللي هتجلنا بشكل رسمي والطريقة اللي انا شرحتها النهارده مافيش فيها اي مشكله على الجهاز لان هي طريقة رسمية و كل التحديثات اللي عليها تحديثات رسمية و بالطريقة دي هتقدر تجهز موبايلك

لأي تحديث ممكن يوصل في الفتره اللي جاي سواء MIUI 13 او MIUI 14 اوحتي 15 MIUI لما ينزل

بتمني اكون بسطت الموضوع وشرحته شرح وافي 👋👋

#تحديثات_شاومي #miui14 #مميزات_miui14 ميزة تسريع الانترنت علي miui 14 miui 14# لتفعيل الاعدادات المتقدمة في مسرع الالعاب Game turbo لأجهزة شاومي ريدمي و بوكو شوف الفيديو ده:👇 https://youtu.be/Jmk6EOxZrHg لمشاهدة احدث مميزات Miui 13 لاجهزة xiaomi علي اجهزة redmi و poco شوف القائمة دي:👇 https://youtube.com/playlist?list=PLHqKmid4QCZSrxpwtUrnB5CsVOyY9sUau لمشاهدة اسرار تطبيق SetEdit شوف القائمة دي:👇 https://www.youtube.com/playlist?list=PLHqKmid4QCZR0Nt6IXjA_uaSpdmsonaLF لمشاهدة سلسة اجمد خمسة شوف القائمة دي:👇 https://www.youtube.com/playlist?list=PLHqKmid4QCZQykTqIP4txrPDhoIoIpWNF لمتابعة احدث تحديثات شاومي لاجهزة ريدمي وبوكو شوف القائمة دي:👇 https://youtube.com/playlist?list=PLHqKmid4QCZSXgunqQn0C23PDrEa3qs لمشاهدة شروحات الروت واضافات الروت لاجهوة شوامي شوف القائمة دي:👇 https://www.youtube.com/playlist?list=PLHqKmid4QCZT2sCA8FvdxHpav2a_NI69l لمتابعة سلسة تركات عالماشي شوف القائمة دي:👇 https://www.youtube.com/playlist?list=PLHqKmid4QCZRjP20gbDFeU9TYzba-VrXY لمتابعة سلسلة تطبيقات اندرويد مفيدة شوف القائمة دي:👇 https://www.youtube.com/playlist?list=PLHqKmid4QCZTVkD4yOwOs4NqFK-dJeosr ____________________________________ للاعمال فقط برجاء استخدام البريد الالكتروني For business inquiries ONLY Please use this Email technology.planet.h@gmail.com ____________________________________ رابط احدث نسخة من تطبيق الحماية Security👇 https://t.me/blackeings/257 لتحميل تطبيق Binance لتداول العملات المشفرة:👇 https://accounts.binance.me/ar/register?ref=211922478 لتحميل تطبيق Kwai:👇 http://s.kw.ai/C989oVFj رابط كوكب التكنولوجيا علي تطبيق Kwai:👇 http://s.kw.ai/u/@technology.planet/Co6IHtpxر

ابط كوكب التكنولوجيا علي Facebook:👇 https://www.facebook.com/Technology.planet.H

رابط كوكب التكنولوجيا علي Instagram:👇 https://www.instagram.com/Technology.planet.h

رابط كوكب التكنولوجيا علي Telegram:👇 https://t.me/blackeings​ super widgets