.webp "أجمد 10 تطبيقات خرافية مفيدة 2023")
أجمد 10 تطبيقات مفيدة لازم تجربها بنفسك
النهارده هنتكلم عن اجمد 10 تطبيقات خرافية من تطبيقات 2023 لازم يكونوا علي اجهزتكوا هنشرحهم معاكوا بطريقة سهلة وبسيطه
المركز الاول
Google lens
التطبيق دا مهم جداجدا وليه استخدامات كتير, وناس كتير جدا ماتعرفوش من اهم الاستخداماته ,لو معاك ورقة وعايز تنقل النص اللي فيها علي الموبايل او الكمبيوتر من غير ماتتعب نفسك هتقدر من خلال التطبيق دا انك تعمل select لكل اللي مكتوب في الورقة , وتنسخة للموبايل او الكمبيوتر, وكمان التطبيق هتلاقيه بيعمل بحث بشكل تلقائي علي الكلام اللي موجود في الورقة , وكمان بيجيب نتائج ويعرضها عليك , وكمان في ميزه مهمة جدا انك لو صورت اي صوره في الشارع نبات او اي شيئ بيجيبلك كل تفاصيلها بشكل تلقائي وسهل جدا ,وبتقدر تعرف كل المعلومات الل محتاجها عن الصوره او البار كود اللي عايز تعرفة.
كمان التطبيق بيقرا الكلام اللي مكتوب يعني ممكن تخليه يقرالك ورقة كاملة من كتاب ودي ميزة هتسهل عليك كتير جدا
كمان التطبيق ممكن يترجم الكلام اللي في الورقة من اي لغة في العلم للغة العربية او لاي لغة في العالم .
المركز الثاني
تطبيق Pika show
التطبيق دا من احسن التطبيقات لتغير شكل الموبايل وتغير شكل charging animation,
كمان التطبيق عليه مجموعة كبيرة من widgets والخلفيات اللي تقدر تثبتها علي الموبايل بشكل بسيط وسهل جدا .
المركز الثالث
Snapmod
التطبيق دا مفيد جدا لانه بيميز صورة السكرين شوت , وبنقدر من خلاله نحطها داخل قالب موبايل بيتم اختيارة من البرنامج بطريقة سهلة جدا , وطبعا دي ميزة شركة شاومي محتفظة بيها لأجهة معينة ولحد دلوقتي مافيش تطبيقات رسمية نزلت للميزة دي.
المركز الرابع
Caller name talker
المركز الخامس
Dynamic spot
دا احسن تطبيق جربته بيعمل محاكاه Dinamic island لأنه التطبيق الوحيد اللي بيكون شكله متناسق جدا, والخط فيه مظبوط واهم ميزة في التطبيق دا انه بيشتغل من غير مايكون مفتوح في خلفية التطبيقات او ال Recent Apps .
المركز السادس
Imyfone mirror to
دا التطبيق اللي بنقدر من خلاله ننقل شاشة الموبايل للكمبيوتر بشكل بسيط وسهل جدا بدون اي تأخير او Delay ,ولو انت شاب Gamer هتقدر من خلالة تلعب اي لعبة علي الكمبيوتر بالماوس والكيبورد .
المركز السابع
GIF maker
التطبيق دا سهل جدا وهيخليك تحول اي لقطة من فيديو لصورة متحركة , وتقدر تعملها شير بسهولة علي الواتساب او اي تطبيق تاني وبيكون حجمها صغير ,وهتقدر تعمل كده بطريقة سهلة جدا ,من خلال تثبيت البرنامج واختيار الفيديو واختيار اللقطة اللي محتاجين نحولها ل GIF ,وكمان هنقدر نختار حجم الصورة وابعادها ,وكمان هنقدر نغير Resolution او نغير مساحتها وبعد الحفظ بتظهر في Gallery او الاستوديو بتظهر علي هيئة صورة متحركة وفي مميزات تانية كتير جدا في التطبيق.
المركز الثامن
Background eraser
وده تطبيق مهم جدا لصناع المحتوى
لان فيه مميزات كتير جدا ,والتطبيق ده بيقدر يشيل الخلفية من الصور بطريقة سهلة جدا من خلال ضغطة واحده فقط
وكمان في اداة تانيه بتقدر تمسح الخلفية من خلالها فصل الالوان ,والمهم في التطبيق دا انه كمان يحفظ الصور بامتداد PNG.
المركز التاسع
Imyfone D-back
البرنامج دا مهم جدا لأن كتير مننا ممكن يتعرض مسح ملفاته المهمة ,او مسح صوره الخاصة دلوقتي من خلال البرنامج دا هتقدر ترجع كل الملفات دي عن طريق انك هتثبت التطبيق, ونفتحه وهنوصل الفلاش ميموري او هارديسك او حتي الموبايل اللي اتمسح منه الملفات ونحدد الملفات اللي اتمسحت وهنقدر نرجع الملفات بشكل سهل جدا.
Float tube
البرنامج دا بسيط جدا وسهل جدا ,لأن من خلاله هنقدر نستخدم اليوتيوب كنافذه منبثقة بعد تثبيت التطبيق دا هنفتحه, ولما نفتح اي فيديو هيفتح معانا الفيديو كنافذة منبثقة ,وكمان هتقدر تحرك النافذة دي في اي مكان علي الشاشة ,وهتقدر كمان تخرج في Home screen والفيديو شغال ,وهتلاقي كل لوحة تحكم اليوتيوب موجودة علي الشاشة وبكدة تكون استخدمت اليوتيوب بشكل مختلف ,واستخدمت ميزة كانت غير موجودة قبل كدة في اليوتيوب.
.webp&description=أجمد 10 تطبيقات مفيدة لازم تجربها بنفسك اهلا بيكم في موضوع جديد من مداونة كوكب التكنولوجيا النهارده هنتكلم عن اجمد 10 تطبيقات خرافية من تط…){kind=link}
تعليقات
إرسال تعليق